السلام عليك اخباركم ايه ارجو ان تكونوا دايما بخير يارب موضوعنا اليوم عن كيفيه الحصول على وظيفه طبعا كتير جدا بيفكر وبيحاول انه يحصل على وظيفه طبعا اول كل شئ نستعين بالله فى كل شئ طبعا قبل مانبحث على وظيفه يجب عمل سى فى موضح فيه اعمالك السابقه...خبراتك ..المهرات اللى بتجيدها حتى لو مش عارف تعمل سى فى تستعين بصديق يعمل لك سى فى حلو باللغه العربيه وباللغه الانجليزيه دى اهم خطوه وطبعا فى ظل التكنولوجيا اللى احنا عايشينها الان اصبح كل حاجه تقريبا على النت تانى خطوه تعمل ايميل ويفضل يكون جيميل يبقى دول اول خطوتين سيفى وايميل ندخل على الشرح
افضل الطرق للحصول على وظيفه
اول طريقه سهله جدا كل اللى عليك انك حتفتح جوجل وتكتب فيه جمله ابحث عن وظيفه حتفتح لك نافذه بالشكل ده
طبعا دى طريقه سهله وسريعه للحصول على عمل اهم حاجه تفعل تنبيهات بالوظائف الجديده علشان كل ماتنزل وظيفه تيجى لك على الايميل
افضل المواقع للحصول على وظيفه
الموقع الاول هو الموقع الاشهر فى العالم موقع LinkedIn طبعا يجب ان تسجل فى هذ الموقع للتسجيل اضغط هنا
يعتبر هذا الموقع شبكه اجتماعيه عالميه كبيره للباحثين عن العمل فى كل انحاء العالم طبعا لازم يكون عندك سى فى كاتبه كويس باللغتين الانجليزى والعربى وبعد ماتكتب السى فى بتنشره على هذه الشبكه وبتكتب فى كل تليفوناتك وتنشره على الموقع وربنا يعمل اللى فيه خير واهم حاجه كمان ان يكون لك اصدقاء كتير على هذا الموقع زيه زى الفيس بس الموقع ده خاص بالشغل وترتيبه الان رقم 51 عالميا فى موقع اليكسا طبعا موقع غنى عن التعريف
لو اشتغلت على الموقع ده كويس وعملت منه اصدقائك كتير اكيد ان شاء الله حتلاقى شغلانه كويسه
الموقع الثانى موقع بيت كوم من افضل المواقع الشهيره فى الشرق الاوسط وشمال افريقيا طبعا قبل التسجيل ضرورى ان يكون لديك على الجهاز السى فى الخاص بك لان عند التسجيل بيطلب بياناتك من اسم وموبايل وخلافه ومنها تحمل السى فى الخاص بك للتسجيل فى الموقع اضغط هنا
صوره من الموقع توضح الوظائف المتاحه فى مختلف الدول
الموقع الثالث هو موقع وظف wuzzuf يعتبر هذا الموقع اكبر موقع للتوظيف فى مصر ويوجد به ايضا وظائف فى المملكه العربيه السعوديه ودوله الامارات طبعا الموقع مشترك فيه اغلب الشركات الكبيره اللى موجوده فى مصر للتسجيل فى الموقع اضغط هنا
صوره من الموقع
الموقع الرابع موقع فرصنا طبعا موقع مشهور للتوظيف فى مصر مشترك فى هذا الموقع الكثير من الشركات الكبيره فى مصر
للتسجيل فى هذا الموقع اضغط هنا
ملحوظه حنلاحظ فى الموقع ان كل 3 او 4 دقائق بتنزل وظيفه
الموقع الخامس موقع نوكرى غلف.كوم موقع مشهور وترتيبه فى موقع اليكسا فى دوله الامارات رقم 99 ومختص بالعمل فى دول الشرق الاوسط ولكن اغلب الوظائف فى دوله الامارات للتسجيل فى الموقع اضغط هنا انظر الصوره التاليه للتوضيح
الموقع السادس هو موقع جولف تالنت هو ايضا موقع مشهور فى الامارات وترتيبه فى موقع اليكسا فى دوله الامارات رقم 156 ومختص بالعمل فى دول الشرق الاوسط ولكن اغلب الوظائف فى دوله الامارات والسعوديه انظر التوضيح الصوره التاليه
هما دول اهم سته مواقع للبحث عن عمل واتمنى لكم التوفيق يارب
نصيحه للشباب واضح ان البحث عن عمل وايجاد فرصه عمل موضوع سهل مش حياخد من وقتك على النت ساعتين او تلاته على الاكثر ولكن الاهم من البحث عن العمل هو انت تعرف وتحدد انت بتحب ايه وايه الحاجه اللى انت لو اخدت فيها دورات حتاخدها بحب ومش حتمل بل بالعكس حتحس انك عاوز تتعلم اكتر وتبدع لازم الاول تركز انت عاوز ايه وايه هى الوظيفه اللى تتمشى لميولك واللى حتبدع فيها باذن الله ...وفى الاخر لايضيع الله اجر من احسن عملا
اتمنى انى قدرت اوصل لكم المعلومه وبالتوفيق ان شاء الله