شرح مبسط للعملات الرقميه
السلام عليكم اخباركم ايه ارجو ان تكونوا بخير يارب درسنا اليوم عن شرح مبسط للعملات الرقميه طبعا اغلبنا بيسمع عنها
وخاصه فى ظل التكنولوجيا الغير مسبوقه الان ...ايه الحكايه وايه اسعارها وهل ينفع نشترى بيها ...حاقول لك ياسيدى
هى عمله مشفره تم اختراعها عام 2008 من قبل شخص يابانى اسمه ساتوشى ناكاموتو ..العمله دى لايمكن استخدامها الا من خلال
الانترنت وطبعا ليها قيمه حقيقيه يعنى ممكن تشترى اى حاجه بيت سياره اى حاجه كمان ممكن تحولها الى عملات ورقيه دولار او يورور اوجنيه يعنى اى عمله عالميه
اول عمله رقميه ظهرت هى عمله البيتكوين اللى اغلبنا بيسمع عنها سنه 2009وكان وقتها سعرها صغير جدا لتخوف الناس منها حاجه جديده واول مره يسمعوا عنها واول تعامل تجارى حصل باسستخدام عمله البيتكوين يوم 22 مايو 2010 عندما طلب شخص اسمه لازلو هانييتش من صديقه انه يشترى له 2 بيتزا مقابل ان يرسل له 10الاف بيتكوين كان وقتها البيتكوين سعره حوالى 0.003 دولار يعنى سعر ال 2 بيتزا حوالى 30 دولار بسعر البيتكوين وقتها طبعا سعر البيتكوين الان حوالى 58 الاف دولار يعنى الراجل دفع لصاحبه مايعادل حوالى 580الف دولار بسعر اليوم ..مش عارف الراجل ده عامل ايه دلوقتى ربنا معاه
ومن يوميها متداولى البيتكوين عاملوا احتفال عالمى بيحتفلوه به كل سنه يوم 22 مايو اسمه Bitcoin Pizza day
وبعد كده ظهرت عمله جديده اسمها الايثريوم اخترعها مبرمج روسى كندى اسمه فيتالييك بوتيرين سنه 2015 وكان سعرها اول ماظهرت حوالى 3 دولار سعرها اليوم حوالى 3500 دولار يعنى فى خلال 6 سنين تضاعفت اكتر من الف مره
ومن وقتها كل يوم والتانى تظهر لنا عمله رقميه جديده لغايه ماوصل عددهم حوالى 4400عمله ولكن المعروفين منهم واللى بيتم تداولهم عالميا هما الاول طبعا البيتكوين -الايثريوم -بينانس كوين-اكس ريبل -كاردانو-تيزر-بولكادوت-ليتكوين-بيتكوين كاش -تشين لينك
وطبعا فى ناس بتحب تستثمر فى هذه العملات لان زى مااحنا شايفين سعرها بيتضاعف فى خلال فتره بسيطه الى مئات المرات ويمكن
اكتر ولكن طبعا مازال استثمار محفوف بالمخاطر
يبقى اخدنا اليوم فكره مبسطه عن العملات الرقميه متبقى لنا كيفيه الحصول عليها وكيفيه تحويلها الى عملات ورقيه ان شاء الله فى دروس قادمه حنشرح ذلك
طبعا اللى يحب يعرف ويتابع اسعار العملات الرقميه يضغط على هذا الربط اضغط هنا
واخير ا اتمنى انى اكون قدرت اوصل لكم المعلومه ببساطه وشكرا لكم